Urriaren azken astean ASTE BELTZA ospatu genuen eskolan. Beldurrezko ipuinak kontatu, kantak ikasi... genituen eta asteazkenetik ostiralera, jolasgaraiaren ondoren, GAU BELTZAREN inguruko eskulan tailerrak egin genituen:
KALABZ TIERRA (Kalabaza tailerra): Kartulina laranja eta berdearekin kalabazak egin ditugu.
ATEAK TAILERRA: Gau beltzaren inguruko irudiak egin eskolako ateak apaintzeko. Materiala: kartulinak. papera, margoak, zeloak, koloretako aironfix-a ...
ARMIARMA TAILERRA: Kartulina beltza, alanbre beltza, kola, goraiziak eta begiak erabiliz armiarma ezberdinak egin ditugu.
KANDELA TAILERRA: Kristalezko poteak kolore laranja edo beltzez margotu ditugu, ahoa eta begiak aironfix-arekin ditugu. Lehortu denean kandela sartu dugu barruan.
Ostiralean berriz, egun berezia izan genuen eskolan. Eskolara iritsitakoan argiak itzalita zeuden eta musika beldurgarria zegoen jarrita. Goizean zehar aurpegiak margotu genituen eta kamisetak moztu genituen. Gero, diskoteka egin genuen.
Arratsaldean, 4 urtetik gorako ume guztiak lau taldetan banatu eta ginkana egin genuen plazako gune ezberdinetan. Gune batetik bestera igarotzeko esaldi sekretua asmatu eta froga bat egin behar izan genuen. Hauek izan ziren asmatu beharreko esaldiak:
"Xanduli, manduli, kikirriki... eman gaztainak guri!"
"Sosa ala pota"
"Xesteron kontra, animen alde!"
"Aginaldo, aginaldo, urdaia bota ta ixilduko"
Froga bakoitza gaindituta, gune horretako saria jaso genuen talde bakoitzak: sagarrak, gaztainak, intxaurrak eta palomitak.
Oso ona!!!! Aupa zuek!!!
ErantzunEzabatu